ტექნიკური დავალების შემუშავების მნიშვნელობა და თავისებურებები ინფორმაციული ტექნოლოგიების სფეროში

ნაშრომში განხილულია დღევანდელი დროის ერთ-ერთი ყველაზე აქტუალური და პრობლემატური საკითხი - ტექნიკური დავალების შემუშავების აუცილებლობა და თავისებურებები „ინფორმაციული ტექნოლოგიების“ სფეროში. დღეს ორგანიზაციები დგანან მრავალი რთული გამოწვევის წინაშე, რაც სწრაფი ტექნოლოგიური პროგრესითა და მაღალი კონკურენციითაა განპირობებული. შეზღუდული დროისა და რესურსების პირობებში უწევთ ამოცანების გადაჭრა. იმისათვის, რომ თავიდან ავიცილოთ შესაძლო პრობლემები, უპირველეს ყოვლისა უნდა გვქონდეს რაც შეიძლება ზუსტი ტექნიკური დავალება, რომელიც მოიცავს არამხოლოდ ამ ეტაპზე არსებულ საჭიროებებს, არამედ გაითვალისწინებს იმ ასპექტებსაც, რომლებიც შესაძლოა დაემატოს სამომავლოდ. ნაშრომში წარმოდგენილი იქნება ის ფუნდამენტური საკითხები, რომლებიც დაეხმარება ორგანიზაციებს დაწერონ მაქსიმალურად ეფექტური და ამომწურავი ტექნიკური დავალება. აგრეთვე ნაჩვენები იქნება ის თავისებურებები, რომლებიც გამოკვეთს უპირატესობებს და მისი გამოყენებით მიღებულ სარგებლის მასშტაბებს.