ტემპერატურის და გამხსნელის გავლენა პოლისაქარიდული ქირალური სტაციონალური ფაზების ქირალურ გამოცნობაზე

ავტორი: რომან გიგაური
თანაავტორები: -
საკვანძო სიტყვები: არილპროპიონის მჟავის ნაწარმები, ტემპერატურა, გამხსნელი, ენთალპია, ენტროპია
ანოტაცია:

აღნიშნულ სამაგისტრო ნაშრომში განხილულია სითხური ქრომატოგრაფიის მეთოდით გამოკვლეული არილპროპიონის მჟავის ნაწარმის 4 ენანტიომერის დაყოფის სელექტიურობისა და ტემპერატურის ურთიერთდამოკიდებულება ტემპერატურაზე. გამოყენებული იქნა 1 სტაციონარული ფაზა და 1 მოძრავი ფაზა. ნაშრომის შესრულების მიზანი იყო დაგვედგინა ენანტიომერების დაყოფაზე - ენანტიოსელექტიურ ფაქტორზე (α) თუ რომელი თერმოდინამიკური პარამეტრი - ენთალპია თუ ენტროპია ახდენდა გავლენას. მიღებული ქრომატოგრამებიდან მოვახდინეთ ენანტიოსელექტიური ფაქტორის α-ს გამოთვლა. ამის შემდეგ აიგო ვანტთ-ჰოფის (სელექტიურობის ნატურალური ლოგარითმის (lnα) მრუდი შებრუნებულ აბსოლუტური ტემპერატურის შებრუნებულ მნიშვნელობაზე აზე (1/T) დამოკიდებულების) მრუდი. ვანთ-ჰოფის მრუდის საშუალებით შესაძლებელი გახდა გამოგვეთვალა ენანტიომერული ნარევების ენტროპიებისა და ენთალპიების ცვლილებების სხვაობა და ამის საუძვეელზე შესძლებელი გახდა გვემსჯელა თუ რომელი თერმოდინამიკური პარამეტრი ან პარამეტრები ახდენდნენ ძირითად გავლენას მათ დაყოფაზე.