ბირთვული ენერგეტიკა და მისი ეკოლოგიური ასპექტები

ავტორი: ნოდარი ხუჯაძე
საკვანძო სიტყვები: ბირთვული ენერგია, ბირთვული რეაქტორი, პროტონი, ნეიტრონი, ელექტრონი
ანოტაცია:

ადამიანი ბუნების ნაწილია. მისი მატერიალური და სულიერი მოტხოვნილებების დაკმაყოფილება და თვით არსებობა უზრუნველყოფილია ბუნებასთან ურთიერთობით. ადამიანთა ზემოქმედების უკანასკნელი 100-200 წლის შედეგები თავის მასშტაბითა და მრავალგვარობით ბევრად აღემატება წინა ათასწლეულში მომხდარ ზემოქმედებას,განსაკუთრებით ევროპასა და ჩრდილოეთ ამერიკაში. ბირთვული ენერგეტიკა შედარებით ახალი დარგია. წარმოების არც ერთი სფეროს განვითარების მომხრეებს და მოწინააღმდეგეებს შორის არ არსებობს შეხედულებათა ისეთი მკვეთრი სხვაობა, როგორც ამ შემთხვევაშია. სწორედ ბირთვული ენერგეტიკაა მიმოხილული მოცემულ თემაში. ჩერნობილის კატასტროფა ატომური ენერგეტიკის დადებით მხარეებს მნიშვნელოვან კონკურენციას უწევს. თემაში განხილული იქნება როგორც ატომური ენერგეტიკის უპირატესობები, ისე მისი უარყოფითი მხარეები. ატომური ენერგეტიკის განვითარების პერსპექტივები ჯერ კიდევ სკამათოა, არ არის გამორიცხული, რომ არც თუ ისე შორეულ მომავალში ატომური სადგურის მშენებლობის საკითხი დადგეს საქართველოშიც. პრინციპულად, ეს დასაშვებია, თუმცა გასათვალისწინებელია მრავალი ფაქტორი. თუმცა, ბირთვული ენერგია ენერგეტიკის მუდმივი კრიზისისგან რეალურ გამოსავლად ისახება.