ბიოლოგიურად აქტიური ინდოლისა და ადამანტანის ფრაგმენტის შემცველი დიპეპტიდების სინთეზი მულტიკომპონენტური უგის რეაქციით.

ავტორი: თეკლა თევზაძე
საკვანძო სიტყვები: დიპეპტიდი, ინდოლი, ადამანტანი, იზონიტრილი, უგის რეაქცია.
ანოტაცია:

სინთეზირებულია ბიოლოგიურად აქტიური ადამანტანისა და ინდოლის ბირთვის შემცველი ახალი პეპტიდები მულტიკომპონენტური უგის რეაქციით. სამიზნე პროდუქტების სინთეზი განხორციელებულ იქნა რამდენიმე საფეხურად. პირველ ეტაპზე სინთეზირებულ იქნა საწყისი ნივთიერებები: N-მეთილ-ინდოლ-2-კარბონმჟავა, 1-იზოციანოადამანტანი, ეთილიზოციანოაცეტატი და ზოგიერთი ამინომჟავას ეთილესტერი. სინთეზის ოპტიმალური პირობების დასადგენად N-მეთილ-ინდოლ-2-კარბონმჟავასა და 1-იზოციანოადამანტანის სინთეზი განხორციელებულ იქნა ორი განსხვავებული მეთოდით. სინთეზირებულ იქნა ახალი უგის პროდუქტები ეთანოლის არეში, სადაც მორეაგირე კომპონენტებად გამოყენებულია N-მეთილ-ინდოლ-2-კარბონმჟავა, 1-იზოციანოადამანტანი, ეთილიზოციანოაცეტატი, ანილინი, ამინოადამანტანი, გლიცინი, ალანინი, ფენილალანინი, ბუტანალი, იზობუტანალი და ბენზალდეჰიდი. მიღებული ახალი ნაერთების სტრუქტურები განისაზღვრა ინფრაწითელი და ბმრ სპექტრებით.